Ginkumpirmar sang Department of Health (DOH), nga nagapadayon ang pagdamu sang mga indibidwal nga nagapositibo sa COVID 19 sa Pilipinas.
Suno sa health department , ang mga rehiyon nga may pinakamadamu nga “new COVID cases” , humalin sang Hunyo 25 tubtub Hulyo 1, amo ang National Capital Region (NCR), Calabarzon, Western Visayas, Central Luzon kag Central Visayas.
Base sa record sang DOH, amat amat nga nagadamu ang mga indibidwal nga nagapositibo sa COVID sa masunod nga mga lugar:
Baguio City, Abra, Apayao, Mountain Province, La Union, Dagupan City, Ilocos Norte, Pangasinan, Nueva Vizcaya, Cagayan, Isabela, Lucena City, Cavite, Laguna, Batangas, Rizal, Quezon, Puerto Princesa City, Romblon, Marinduque, Oriental Mindoro, Bataan, Bulacan, Nueva Ecija, Angeles City kag Pampanga.
Suno sa health department , nagadamu man ang kaso sang COVID 19 sa Albay, Naga City, Sorsogon, Camarines Norte, Camarines Sur, Masbate, Iloilo City, Iloilo, Capiz, Aklan, Negros Occidental, Bohol, Cebu City, Mandaue City, Cebu, Lapu-Lapu City (Opon), Negros Oriental, Siquijor, Tacloban City, Biliran, Zamboanga City, Zamboanga Del Sur, Misamis Occidental, Misamis Oriental, Davao City, Davao Occidental, Davao del Norte, Davao del Sur, North Cotabato, Agusan del Sur kag Tawi-Tawi.
Sa pihak sang pagsaka sang kaso sang COVID sa pungsod, ginpasiguro sang DOH nga wala sang pagdagsa sang mga COVID patients sa mga ospital sa Pilipinas.
Ginpahanumdum sang DOH sa publiko kon anu ka importante sang COVID vaccination kag ang pag “observe” sang health protocols, agud malikawan ang impeksyon.
