Patay ang isa ka kilala nga motorcycle rider nga taga Cagayan de Oro City matapos ini ma-aksidente samtang ginamaneho ang iya motorsiklo Sabado sang kaagahon sa Misamis Oriental.
Siya ang ginkilala kay Jireh Edrote y Morales, 29-anyos.
Base sa report, halin sa Iligan City ang biktima kung sa diin, nag-intra siya sa isa ka endurance challenge contest padulong sa Davao City.
Apang, sa wala ginalauman nga hitabo, hinali nalang nakadanlog ang goma sang iya motorsiklo kag nag bunggo sa pader sang kanal sa may Lugait, Misamis Oriental.
Gindala ang biktima sa Misamis Oriental Provincial Hospital-Manticao apang gin deklarar ini nga dead on arrival bangod sa mga pilas nga naangkon sini.
Madamo naman sang nagpabutyag sang kasubo sa pag taliwan ni Jireh kag mga kaupod sini sa rides.
