BACOLOD CITY – Gindayaw sang netizens ang ginhimo nga kaayo sang isa ka konduktor sa aircon nga jeep nga naga-biyahe Mandalagan-Libertad sa syudad sang Bacolod.
Suno sa post sang netizen nga si Che TubianosaBacay, may isa ka tigulang ang nagsulod sa jeep kag nagpamangkot kung may bayad ang magsakay.
Nagsabat ang konduktor, “Huo may ara. Nga-a man?” kag naghambal naman ang tigulang nga, “Wala ah, mangkot lang.”
Namangkot ang konduktor sa tigulang, “Sa hospital ka halin Tay? May pasyente ka da?” kag nagsabat naman sang “huo” ang tigulang.
Gilayon naman nga naghambal ang konduktor nga “Indi na magbayad libre ta na ka ah.”
Nag-insister pa ang tigulang nga mabayad ini apang nagpamilit ang konduktor nga ilibre niya na ini.
“Sige na Tay, dira lang na da ah, basta libre ta na ka,” suno pa sa konduktor.*
