Patay ang isa ka babaye matapos nga naipit sang magbaliskad ang kuliglig nga ila ginasakyan sa probinsya sang Isabela.
Las 2:30 sang hapon, miyerkules, Hulyo 6, sang magluntad ang insidente sa banwa sang Cabagan.
Ginaguyod sang traktora ang kuliglig nga ginasakyan sang mga biktima, sang hinali lang nga nagbaliskad sa tunga sang dalan.
Sa nasambit nga insidente, nabawian sang kabuhi si Rosalyn Agabin nga gindeklarar dead on arrival sa ospital.
Kalakip sa mga nasamaran amo sanday Erwin Datul, 42, Marcelo Agabin, 57, Bernardo Laggui, 46, Marita Lggui, 67, Cris Mae Mercado, 6, Solitaria Gannaban, 51, Rodolfo Agabin, 63, Waldimar Baui, 59, Flordeliza Baui, 51, Rowena Gammad, Leon Patrick Gammad, 11, Ethan Dale Gammad, 4, Monsing Datul, 26, lunsay residente sang Brgy. San Bernardo, Cabagan, Isabela.
Base sa imbestigasyon, madasig ang dalagan sang kuliglig kag wala na ini ma kontrol sang driver.
Suno sa himata sang mga pasahero, wala man sang ihibalo ang driver sa risgo kon madasig ang dalagan sang kuliglig.*
by: Sunshine Lacson
