LA CARLOTA, NEGROS OCCIDENTAL– Gina-alegar naghikog ang lalaki nga laborer, 27-anyos sa siudad sang La Carlota sang tinalikdan nga adlaw, Mayo 25.
Takna las-11:30 sang aga, nagpahibalo ang isa ka kagawad sa kapulisan angut sa insidente.
Suno sa report sang kapulisan, samtang ginatawag sang tiya ang biktima nga mamahaw na kuntani sa ila balay, nakita na lamang sang tiya nga nagabitay na ini gamit ang cord kag wala na sang kabuhi sa ila balay.
Suno naman sa bayaw sang biktima, sadtong Mayo 24, nagasilinggitan ini kag nagapangayo sang tabang bangud may mga tawo nga nagapalibot sa iya balay kag luyag siya patyon apang dugang sang bayaw, nga wala ini sang mga tawo nga nagapalibot sa balay.
Pahayag naman sang utod sang biktima, naga-usar siya sang tinalikdan nga bulan sang iligal nga droga, wala nagakaon kag nagahampang lamang sang computer games.
Dugang pa, wala sang foul play nga natabo.*
