BACOLOD CITY– Arestado sa buy-bust operation ang isa ka lalaki sa Zamora Street, Barangay III, Hinigaran, Negros Occidental kaina las-12:25 sang hapon, Sabado, Disyembre 3.
Ginkilala ang suspek kay Johndy Vargas, 35-anyos kag residente sang Sitio Guba, Barangay II, Hinigaran, Negros Occidental.
Gin-aresto ang suspek sa pagpanguna ni Police Major Clifford Batadhay, Acting Chief of Police sang Hinigaran Municipal Police Station.
Nakuha sa suspek ang anum ka sachets sang ginapatihan shabu.
Dugang pa, narekober man sa suspek ang isa ka buy-bust item nga nagabug-at sang 0.15 ka gramo nga nagabalor sang Php1,020, coin purse nga may unod nga Php217.00 kag Php500.00 nga buy-bust money.
Yara karon sa kustodiya sang Hinigaran MPS ang suspek kag pagapasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.*
