NEGROS OCCIDENTAL– Arestado sang Sagay City Police Station ang isa ka lalaki sa kaso nga statutory rape kag 4 counts of acts of lasciviousness sa Hacienda Valencia, Barangay Burgos, siudad sang Cadiz kahapon, Pebrero 21.
Ang 28-anyos nga gin-aresto ang residente sang Sitio Laon, Purok 2, Barangay Divina Colonia sa siudad sang Sagay.
Pinaagi sa warrant of arrest, ginpatigayon ang manhunt operation sang mga kapulisan agud maaresto ang suspek.
Gin-isyu naman ni Hon. Reginald Fuentebella, Executive Judge sang Regional Trial Court Branch 73 sang Sagay City ang warrant of arrest.
Nakapalayag naman sa warrant of arrest nga may kabilugan nga Php320,000.00 ang ginrekomendar nga piyansa para kaso nga 4 counts of acts of lasciviousness apang wala naman sang ginrekomendar nga piyansa sa kaso nga statutory rape.
Nakahunong karon ang suspek sa Sagay CPS.*
