Friday, March 29, 2024

Lalaki binayaan, ginbuno kag ginlampusan ang ex-girlfriend tubtob mapatay

- Advertisement -

Isa ka heartbroken nga Indian ang indi maka-move on nga nagresulta sa pagpangbuno sa 16-anyos nga anay nobya sini.

Wala pa makontento ang 20-anyos nga lalaki kag nagpulot ini sang bloke sang semento nga iya ginlampus sa babayi tubtob mapatay.

Screenshot from THEMOJOSTORY
Screenshot from THEMOJOSTORY.

Base sa report sang kapulisan, nagluntad ang krimen sa dalan Rohini sa siudad sang New Delhi sang Domingo sang gab-i, Mayo 28, 2023.

- Advertisement -

Pagkasunod nga adlaw sang Lunes, Mayo 29, nadakpan ang suspetsado nga ginkilala kay Uttar Pradesh, 20-anyos nga refrigerator technician.

Nahibaluan nga padulong kuntani ang biktima sa isa ka birthday party sang ginpalapitan ini sang anay nobyo.

Nakuhaan pa sang CCTV footage ang pagtulod sang suspek sa babayi sa pader samtang ginabuno-buno ini tubtob na nag-ungot ang patalom sa bagol sang biktima, antes ini nakapulot sang bloke nga iya naman ginlampus sa ulo sang babayi.

Base sa inisyal nga post-mortem examination, nadiskubrehan nga may 16 ka mga buno ang biktima.

Ginakabig sang kapulisan bilang “crime of passion” ang insidente bangud magkarelasyon ang mga imbolbado humalin pa sang 2021.

Dugang pa sang kapulisan, ginka-akig sang suspek sang nakigbulag ang babayi kag nagsuspetso ini nga gina-istorya sang biktima ang iya anay nobyo.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles