Nagdaku ang 27-anyos nga Chinese nga si Mei Zhiqiang sa bilyonaryo nga mga ginikanan nga nag-adoptar sa iya.
Apang suno sa report sang South China Morning Post, ginbayaan ni Zhiqiang ang iya adoptive parents sang nakit-an ini sang iya mga ginikanan sang Hunyo tuig 2022.
Nahibaluan nga multimillionaire ang mga ginikanan ni Zhiqiang.
Sang tuig 1997, duha ka tuig pa lamang si Zhiqiang sang ginkidnap ini sa guwa sang ila puluy-an sa Yunnan province apang ginbayaan ini sang ‘abductors’ bangud “thin and small” ini.
Didto na gin-doptar si Zhiqiang kag ginsagod sang iya adoptive parents.
Suno sa mga ginikanan nga sanday Mei Xianhua kag Pan Chang’e, halin sang nadula sa ila si Zhiqiang, wala na nila ginasaulog ang Spring Festival kag Lunar New Year apang ginasaulog nila sa gihapon ang kaadlawan ni Zhiqiang kada tuig.
Apang bangud sa bulig sang isa ka abyan, tigayon nga nakit-an si Zhiqiang sang iya mga ginikanan pagkatapos sang 12 ka tuig.
Ginkalipay ini nanday Xianhua kag Chang’e kag ginpahayag sang amay nga itudlo sini kay Zhiqiang ang pagpadalagan sang ila family business nga hotel supplies company tubtub mapanubli nila ini.
Suno kay Zhiqiang, makita sini ang gugma sang iya mga ginikanan kag gilayon ini nga nangin komportable sa ila apisar nga wala sila nakaupod sang kapin duha ka dekada.
Dugang pa ni Zhiqiang, napamatud-an sini nga “money can’t buy happiness.”
