LALAKI GINBUNO-PATAY SA BANWA SANG ISABELA

Nasapwan patay ang isa ka lalaki nga nakaangkon sang pila ka mga buno sa lawas sa Sitio Bungyod, Brgy. Camangcamang, banwa sang Isabela kahapon Abril 15.

Ginkilala ang napatay nga si Arnold Carpina, 35 anyos, residente sang Sitio Butong, Brgy. San Pedro sang banwa sang Binalbagan.

Suno sa inisyal nga impormasyon sang kapulisan, nasapwan na lamang ang biktima sa kilid sang dalan sa humayan sa nasambit nga lugar.

Gindala pa ang biktima sa ospital apang gindeklarar man ini nga dead on arrival.

Sa karon, gina-imbestigahan pa sang kapulisan ang motibo sa krimen.