Thursday, March 28, 2024

Lalaki ginluthang-patay sa Cadiz

- Advertisement -

Patay ang isa ka lalaki matapos ginluthang samtang naga-inom sang makahulubog nga ilimnon upod ang iya mga abyan sa may bangga sang mga dalan sang Cabahug kag Herrerias sa Brgy. Zone 3 sa syudad sang Cadiz takna las-9 sang gab-i sang Biyernes, Agosto 19.

The mark of bloodstain can still be seen on the pavement the next day after a shooting incident that transpired in Cadiz City, Negros Occidental on a Friday night, August 19.
The mark of bloodstain can still be seen on the pavement the next day after a shooting incident that transpired in Cadiz City, Negros Occidental on a Friday night, August 19.

Ginkilala ang biktima nga si Jeymark De Jose, 27-anyos, may live-in partner, kag residente sang nasambit nga barangay.

Base sa pahayag sang saksi nga abyan sang biktima, naga-inom inom sila pagkatapos nila magbulig sa pagpatukod sang isa ka food stall sang may nagpalapit nga tatlo ka mga lalaki nga nagasakay sa motorsiklo kag hinali ginluthang ang biktima.

- Advertisement -
The mark of bloodstain left on the pavement by a shooting incident that transpired on aThe mark of bloodstain can still be seen on the pavement the next day after a shooting incident that transpired in Cadiz City, Negros Occidental on a Friday night, August 19. Friday night, August 19.
The mark of bloodstain left on the pavement by a shooting incident that transpired on aThe mark of bloodstain can still be seen on the pavement the next day after a shooting incident that transpired in Cadiz City, Negros Occidental on a Friday night, August 19. Friday night, August 19.

Ginkilala sang saksi ang suspetsado sa apelyido nga Belascuain nga gina-alegar isa ka basketball player sang nasambit nga barangay.

Suno sa imbestigador sang kaso nga si Staff Sergeant Glen Villanueva, antes pa magluntad ang pagpangluthang, may yara na sang “gamay nga altercation” ukon indi paghangpanay sa tunga sang grupo ni De Jose kag ni Belascuain nga yara sa pihak nga dalan apang gilayon nga “na-settle” ini.

Apang dugang sang saksi, nagpalapit ang mga lalaki nga nagasakay sa motorsiklo kag hinali ginluthang ni Belascuain ang biktima gamit ang wala pa matumod nga armas-luthang.

Naigo ang biktima sa nawala nga bahin sang likod nga gintunaan sang iya kamatayon sa Cadiz District Hospital.

Nakapalagyo naman ang tatlo ka mga suspek sa wala mahibaluan nga direksyon apang ginapatigayon ang manhunt operation sang kapulisan agud madakpan ang mga ini.

Narekober sa crime scene ang fired cartridge sang 12-gauge nga bala sang shotgun.

Wala pa matumod sang kapulisan ang motibo sang suspek apang nagapadayon ang imbestigasyon angut sa nasambit nga insidente.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles