PASIG CITY – Arestado ang isa ka lalaki nga gin-alegar nanghimulos kag namahog sa isa ka 13-anyos nga dalagita nga iya nakilala sa online sa Pasig City.
Ginpanginwala naman sang suspek nga si Argie Lumocso, 29-anyos ang reklamo batuk sa iya kag ginsiling nga may relasyon sila sang dalagita.
Naguwa sa imbestigasyon nga nagsugod makig-angot ang suspek kag biktima sa Facebook nga nagresulta sang ila nga pakig-relasyon sa isa kag isa.
Bangud diri, may mga insidente nga nagpasugot ang biktima nga magpadala sang iya sensitibo nga litrato kag video.
Sadtong Hulyo 10, nagkitaay ang suspek kag biktima kag ginpwersa niya ini nga makighilawas sa iya.
Nagpaandam naman ang suspek nga ipalapta niya ang maselan nga litrato sang biktima kun indi magpadala ang dalagita sang iya bag-o nga litrato.
Naga-atubang naman sang suspek sa reklamo nga statutory rape kag paglapas sa Anti-Photo and Video Voyeurism Act kag grave coercion.
