Temporaryo nga na-untat ang biyahe sa northbound lane sang EDSA Busway Station sa Pasay City sang Setyembre 28, matapos magwaras kag magsinggitan ang isa ka lalaki sa tunga sang karsada bangud sa gina-alegar gin-into ini sang nobya.
Suno sa InterAgency Council for Traffic (IACT), nagsulod sa bus way ang lalaki nga nagahibi kag nagasinggitan samtang ginapakalma ini sang iya nga nobya.
Gilayon naman nagresponde ang mga katapo sang IACT, Philippine Coast Guard (PCG) kag Metropolitan Manila Development Authority (MMDA) agud tambagan ang lalaki.
Naghangkat ang lalaki sang sumbaganay sa isa ka nagresponde nga operatiba.
Gintinguha nga sumbagon sang lalaki ang isa ka operatiba apang nakalikaw ini kag ginhakos ang nagawaras nga lalaki agud mag-untat lamang ini.
Wala na nagbato ang lalaki samtang nagahibi ini kag ginahakos sang operatiba.
Gindala naman sang kapulisan ang anay magkahagugma sa Pasay Community Precint 6 agud imbestigahan ang nagluntad nga insidente.
“Pansamantalang naantala ang biyahe ng mga bus sa northbound lane ng nasabing istasyon matapos pumasok sa mismong busway ang lalaki na kalaunay nagwawala at inaawat umano ng kanyang dating kasintahan sa kanto ng Cuneta Avenue, Pasay City. Isang mahigpit na yakap mula sa lalaki ang sinalubong ng isa nating operatiba. Tila naghahanap ito ng kakamping mapaglalabasan ng sama ng loob dahil habang nakayakap, napaiyak at pasigaw na nagsumbong ito na niloko umano siya ng kanyang dating kasintahan” suno sa Facebook post sang IACT.
via IACT
