Lalaki, Nalubong Buhi samtang Naga-obra sang Kanal sa Dalan

Nalubong buhi ang isa ka 24-anyos nga lalaki samtang naga-obra ini sa nagapadayon nga konstraksyon sang kanal sa dalan sang Barangay Mudeng, La Paz sa Abra.

Natabo ang insidente takna las 9:20 kaina sang aga, Martes, Hunyo 21, 2022.

Residente sang Malabbaga, La Paz ang lalaki nga nagatinguha man lang kuntani nga maka-obra kag makakwarta sang natabo ang insidente.

Nakuha ang bangkay sang biktima mga takna las 10:33 sang aga, ukon isa ka oras matapos sang insidente.

Gindeklarar nga patay ang biktima ni Dr. Rhoda May Z. Dukinal, ang Municipal Health Officer sang La Paz.*