Saturday, April 20, 2024

Lalaki Nangawat Manok Pangbulang sa Kabankalan; Suspek may Una na nga Kaso sang Theft

- Advertisement -

KABANKALAN, NEGROS OCCIDENTAL – Arestado ang 23-anyos nga lalaki sa pagpangawat sang manok pangbulang sa Coloso Subdivision, Brgy. 4, sa syudad sang Kabankalan takna las-9:40 sang aga sang Miyerkules, Agosto 24.

A man handcuffed with his hand behind his back. Photo from Freepik.

Suno sa Kabankalan City Police Station (CPS), gina-istorya sang biktima nga si Miguel Miralles, 65-anyos, ang iya anak pinaagi sa isa ka video call sang ginpahibalo ini sang iya kaingod nga ginakawat ang iya manok pangbulang nga nakahigot sa guwa.

Hinali naman nga nagdalagan ang suspetsado nga si Renato Sta. Maria nga residente sang Brgy. Santol sa banwa sang Binalbagan, dala ang manok nga pangbulang.

- Advertisement -

Nagsakay sa motorsiklo ang biktima kag ginlagas ang suspek nga tigayon nga nadakpan.

Nagresponde man ang mga opisyales sang barangay kag narekober ang manok pangbulang nga nagabalor sang P3,000.

Nahibaluan sang kapulisan nga ang suspek ang may yara sang standing Bench Warrant of Arrest sa kaso nga theft sa MTCC, 6th Judicial Region, Isabela, Moises Padilla, Negros Occidental sang Hunyo 24 nga may piyansa nga P1,000.

Yara ang suspek sa kustodiya sang Kabankalan CPS.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles