BACOLOD CITY– Nasapwan-patay ang 31-anyos nga lalaki sa Town and Country Subdivision, Barangay Zone 15, Talisay City, Negros Occidental.
Base sa kapulisan, ginpangita sang amay ang iya anak kahapon, Oktubre 10 apang nasapwan nalang ini nga wala na sang kabuhi sa hilamunan.
Dugang pa sang amay, may ginatumar nga maintenance (Zyprexa) ang anak antes magtulog.
Gindala ang lalaki sa Talisay City Health Center apang gindeklarar ini nga dead-on-arrival.
Nag-request naman ang kapulisan sang Talisay sa SOCO Team sang Provincial Crime Laboratory, Bacolod City nga iga-examine ang lawas sang lalaki bangud naka-agum ini sang pilas sa agtang kag may tupad nga wala mahibalu-an nga caliber.
May nakuha man caliber nga may apat ka live ammunitions kag isa ka shell-under custody sang SOCO Team.
Pending pa sa gihapon ang post mortem examination sang bangkay nga yara karon sa Manapla Funeral Parlor, Silay City.*
