Tuesday, July 16, 2024

LALAKI NGA GINA-ALEGAR NANGHANGKAT SANG BUN-ANAY, NABUN-AN SA ULO, PILASON!

- Advertisement -

“Katarantado sa imu, bun-anay ta bala!”.

Bangod sa mainit nga hambalanon, pilason ang biktima matapos nakaangkon sang buno sa suspek alas 7:00 kaina sang aga, Mayo 20.

photo from web

Ginkilala ang biktima kay Leonardo Mahinay y Epugon, 30 anyos, single kag residente sang Purok Sigay, Barangay Singcang-Airport samtang ang suspek amo si Paquito Estrella y Rey, 39 anyos, may asawa kag residente sang nasambit man nga Barangay.

- Advertisement -

Base sa inisyal nga impormasyon, samtang nagapangape ang suspek sa puluy-an sa diin nagpadulong ang biktima kag didto ginbuy-an ang mainit nga hambalanon.

Nagkuha sang kutsilyo ang suspek nga 12 inches ang kalabaon kag ginbuno ang biktima sa ulo.

Gintinguhaan pa nga makapalagyo sang biktima apang ini ang natumba.

Gilayon naman nga nadakpan sang otoridad ang nasambit nga suspek matapos nga nagpangayo sang bulig ang pamilya sang biktima.

Gindala naman ang biktima sa hospital samtang ang suspek ang nakahunong sa Police Station 8 para sa nagakaigo nga disposisyon.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles