Friday, March 29, 2024

Lalaki nga ginluthang-patay sa Cauayan, anay katapo sang PNP kag Scout Ranger kag utod sang pila ka mga opisyales

- Advertisement -

CAUAYAN, NEGROS ORIENTAL – Nahibaluan nga anay katapo sang Philippine National Police (PNP), Scout Ranger, kag absent without leave (AWOL) nga aplikante sang Special Action Force (SAF) si Vincent Decena nga ginluthang-patay sa Purok 2, Brgy. Linaon, sa banwa sang Cauayan sini nga Biyernes, Hulyo 22.

Photo courtesy of Winston Villanueva.
Photo courtesy of Winston Villanueva.

Suno sa mga saksi, tatlo ka mga suspetsado nga nagasuksok sang bonnet kag facemasks ang hinali nga nanaug sa van kag nagluthang sa biktima nga nagapangape kaina las says sang aga.

Dugang pa sang mga saksi, gin-finishing pa ang 54-anyos nga biktima pinaagi sa pagtiro sa ulo.

- Advertisement -
Photo courtesy of Winston Villanueva.
Photo courtesy of Winston Villanueva.

Nagdangat sa 10 ang nabatian nga mga lupok apang apat lamang ka slugs ang narekober sa crime scene bangud ginapatihan nga ara pa sa lawas kag ulo sang biktima ang iban nga mga bala.

Photo courtesy of Winston Villanueva.
Photo courtesy of Winston Villanueva.

Nahibaluan nga utod sang biktima sanday retired Col. Larry Decena, anay OIC sang Bacolod City Police Office (BCPO) kag retired Col. Harry Decena sang Philippine Army.

May isa pa ka utod ang biktima nga aktibo nga myembro sang Philippine Drug Enforcement Agency (PDEA).

Padayon naman ang imbestigasyon sang mga awtoridad agud makilala ang mga suspek kag mahibaluan ang ila motibo sa pagpangluthang sa biktima.

Ginalantaw sang kapulisan bilang motibo ang gina-alegar ilegal nga mga aktibidades sang biktima nga ginakabig high-value individual angut sa pending sini nga kaso sa paglapas sa Section 12 sang RA 9165 ukon Comprehensive Dangerous Drugs Act of 2002.

via Winston Villanueva

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles