LALAKI NGA MAY KASO SA PAGBALIGYA SANG ILIGAL NGA DRUGA, GINLUTHANG KAG GINBUNO SA ILOILO, PATAY

Gindeklarar nga dead on arrival sa ospital ang 31 anyos nga si Hamza Kayani matapos nga ginluthang kag ginbuno sang wala pa makilal-an nga suspek sa Barangay Veterans Village , siudad sang Iloilo, tinalikdan nga sabado sang gab-i, Oktubre 9.

Kaupod pa sang biktima ang duha ka mga minor de edad samtang ini nagapahangin sagwa sang iya salakyan, base sa alegasyon.

Residente sang Barangay Tanza Esperanza ang biktima kag may kaso angut sa pagbaligya sang iligal nga druga sang tuig 2018 kag napriso bangud sang kaso.

Wala pa matumod sang kapulisan kon anu nga armas luthang ang gingamit sa pagpatay kay Kayani.*