Nagapamutos sang uga sa sulod sang storage room ang apat ka mga persona, duha diri ang mga menor de edad sang ini ang gin-araro sang Fuso Canter dropside nga truck sa Purok 3, Barangay Gargato sa banwa sang Hinigaran, Negros Occidental, takna las 10:45 kaina sang aga, Huwebes, Hulyo 21, 2022.
Dead on arrival sa Hinigaran Medical Clinic si Julia Gequinto, 10-anyos, samtang pilason naman sanday Klana Joy Parreño, 18-anyos, Myra Bacolinao, 24-anyos kag ang isa ka 12-anyos nga lalaki.
Sandig sa imbestigasyon sang kapulisan, ginbungguan sang Fuso Canter nga ginamaneho ni Jumo Potueco, 36-anyos, ang storage room kung diin nagapamutos sang uga ang mga biktima.
Si Potueco ang nagapulupamangkot pa lang kung paanu i-drive ang canter truck kag indi pa gid ini nakahibalo mag drive.
Suno sa kay Potueco, wala na ini makahibalo kung ano ang himuon kag nadulaan na sang kontrol, tubtob nga nabungguan gid ang storage room.
Nakapark lang ang canter truck sa garahe sang nagdesisyon si Potueco nga i-atras ini agud kuntani idugon agud nga maligwahan ang iya mga kaupdanan nga nagapamutos sang uga.
Naguba man ang pangunahan nga bahin sang truck.
Ginhingagaw dala sang mga residente ang biktima sa ospital apang si Gequinto ang gindeklarar nga dead on arrival sang attending physician nga si Dr. Karen Valencia Estomata.
Yara karon sa kustodiya sang Hinigaran Police Station si Potueco kag ang Fuso Canter truck.*
