Nagresulta sa tirohay ang pagsita sang kapulisan sa lalaki nga nagapangihi sa kilid sang dalan sa Brgy. Kristong Hari sa syudad sang Quezon takna alas dose kaina sang tungang gab-i sini nga Huwebes, Hunyo 16.
Ginsita sang kapulisan ang suspek bangud naabtan ini nga nagapangihi sa kilid sang dalan kag wala pa nagasuksok sang facemask apang hinali nga naggabot sang pusil ang suspek.
Nahibaluan nga kinawatan ang motorsiklo nga dala sang suspek.
Suno sa tag-iya sang motorsiklo, pakadto ini sa isa ka convenience store sang ginbalabagan ini sang mga lalaki nga naga-angkasanay man sa isa pa ka motorsiklo.
Nakumpiskar man sa suspek ang gingamit sini nga revolver.
Dead on the spot ang suspek nga wala pa makilala.
Padayon man ang pagpangita sang kapulisan sa isa pa ka upod sang suspek.
