BACOLOD CITY – Gindakop ang isa ka 41-anyos nga lalaki matapos makuhaan sang ginasuspetsuhan shabu sa ginpatigayon nga buy-bust operation sa Purok Chereza 1, Brgy. 27, siudad sang Bacolod takna las-7:40 sini lamang nga gab-i sang Domingo, Abril 2.
Ginkilala ang suspetsado nga si Leo Perez, alyas Toto, 41-anyos, may asawa, wala sang trabaho, residente sang nasambit nga lugar, kag ginakabig nga street-level individual (SLI) sang kapulisan.
Base sa report sang Bacolod City Police Station 4, nakumpiskar sa suspek ang mga sachet sang ginasuspetsuhan shabu nga ginabulubanta nagabug-at sang lima ka gramos kag nagabalor sang P34,000.
Gindala ang suspek sa nasambit nga police station para sa nagakaigo nga disposisyon.
Nagapang-atubang ang suspek sang kaso sa paglapas sa Republic Act 9165 ukon ang “Comprehensive Dangerous Drugs Act.”