Patay ang 40-anyos nga lalaki nga nalakip sa drugs watchlist sang kapulisan sang ini ang ginluthang sa Sitio Candiacap B, Purok Maghirupay sa Barangay Tapi, Kabankalan City, Negros Occidental, takna las 10 sang gab-i, Martes, Mayo 4.
Ginkilala ang biktima nga si Ricardo Cabison Jr., residente sang Barangay Nagasi sa ciudad sang La Carlota, Negros Occidental.
Sandig sa imbestigasyon sang kapulisan, yara sa haya si Cabison sang ini ang gintiro sang wala pa makilal-an nga persona, kon sa diin naigo ang tangkugo.
Nakabalikid pa ang biktima sa gunman, nga nagtiro liwat sa iya nga tyan.
Sang natumba kulob na si Cabison, gintiro ini liwat ini sa iya nga paa kag tiil.
Gindala si Cabison sang iya pamilya sa Barangay Tabugon Hospital, apang ini ang gin-deklarar nga dead on arrival.
Narecover sa crime scene ang duha ka fired cartridges sang .45 caliber.
Yara sa Sola Gracia Funeral Homes ang bangkay ni Cabison.*
