Makabig nga “dream job” ang obra sang 38-anyos nga si Shoji Morimoto halin sa Japan.
Ini bangud ginaswelduhan siya apisar nga wala ini sang may gina-obra.
Ang iya obra amo ang pag-upod lang sa iya mga customer.
Nagabalor 10,000 yen ukon P4,037.98 kada oras ang magpa-book kay Morimoto.
Sa sulod sang tinalikdan nga apat ka tuig, may yara na sang 4,000 ka mga bookings si Morimoto.
“Basically, I rent myself out. My job is to be wherever my clients want me to be and to do nothing in particular,” suno kay Morimoto.
Apang iya ginklaro nga wala sini ginabaton ang miski ano lang nga ipahimo sa iya, kapareho sang pagbiyahe overseas kag paghimo sang mga indi maayo nga hilimuon.
Bangud sang iya obra, nakaagi na si Morimoto kadto sa park upod ang iya kliyente nga gusto maghampang sang see-saw kag nag-wave kag nagyuhom sa bintana sang train para sa iya ka tawo nga gusto mag-goodbye.*
