Lapsag nga utod ang ulo, nasapwan sa kanal sa Maynila

Nasapwan ang isa ka lapsag nga utod ang ulo sa kanal sang Estero de Valencia, Sampaloc, Maynila subong nga Miyerkules, Enero 25, 2023.

Suno sa report sang Manila Police District-Homicide Section, ginabulubanta naga-edad sa apat tubtob anom ka bulan ang lapsag kag nakatakod pa ang umbilical cord sini.

Nahibaluan nga takna las 10 sang aga, nakit-an sang backhoe operator nga si Michael Soposo ang lapsag nga yara sa sulod sang plastic gallon samtang ginatinluan sini ang nasambit nga kanal.

Gilayon niya ini ginpahibalo sa mga otoridad. Nagresponde naman ang mga tinaho sang MPD kag gindala ang lapsag sa Cruz Funeral Homes.

Sa karon, padayon pa ang imbestigasyon sang kapulisan agud matumod kun sin-o ang naghaboy sang lapsag sa kanal.*