Promoted na si Philippine Coast Guard (PCG) Commandant Leopoldo Laroya bilang admiral.
Ginsiling ni PCG nga gin-aprubahan ni Pangulong Rodrigo Duterte ang promosyon ni Laroya bilang admiral epektibo sadtong Nobyembre 5.
Matandaan nga gin-asayn sang Pangulo si Laroya bilang ika-28 commandant sang PCG.
Ginhimo sang Pangulo ang pag-asayn kay Laroya bangud sa pagretiro sa pwesto ni PCG chief admiral George Ursabia Jr.
Nahibaluan nga nagsugod ang karera ni Laroya sadtong nalakip ini sa Philippine Military Academy (PMA) tuig 1983 kag nagtapos nga miyembro sang Maringal class of 1988.
Nagtuon man si Laroya sa guwa sang pungsod para sa iya post-graduate studies.
Antes pa nagserbe nga Deputy Commandant for Operations si Laroya nagserbe anay ini sa nagkalain-lain nga sangay sang ila Law enforcement agency.
Samtang, gin-asayn man sang Pangulo si anay PCG commandant George Ursabia Jr. bilang undersecretary sang maritime sector sang Department of Transportation (DOTr), epektibo sadtong Nobyembre 4.
