NEGROS OCCIDENTAL – Ginpangdagdag sang katapo sang Philippine Army’s 79th Infantry (Masaligan) Battalion, 3rd Infantry Division ang ginatos nga “wanted” nga leaflets sa malayo nga mga barangay sa banwa sang Calatrava, Negros Occidental sadtong Sabado, Setyembre 10, 2022.
Naghatag ang Philippine Air Force sang Huey helicopter para sa nasambit nga hilikuton.
Nalakip sa leaflets ang impormasyon sa wanted nga persona nga ginkilala sang Army nga si Roger Fabillar, alyas Arnel Tapang/Jhong kag pangabay sa komunidad nga magbulig para madakup ang ini nga mga personalidad.
Gin-alegar nga ang grupo ni Fabillar ang ginatudlo responsible sa pagpatay sang tatlo ka mga sibilyan, nalakip na ang kapitan sang Barangay Lalong nga si Benjamin Javoc.
“Any information that will lead to the arrest of alias Jhong will get the reward money being offered by the Local Government Unit amounting to P300,000,” suno kay Lt. Col. J-jay Javines, commanding officer sang 79th IB.*
