Isa ka ordinansa ang ginpasa ni Bacolod City Vice Mayor El Cid Familiaran nga magatutok sa libre nga Chest Xray sa mga pumuluyo sang syudad nga nagakinahanglan.
Sa mga nagakinahanglan sang nasambit nga serbisyo, sarang lang magkadto sa City Health Office kag magdala sang Certificate of Indigency kag Voter’s ID.
“Padayon kita nga mag obserbar sg nagakaangay nga protocol sa aton proteksyon kag ikaayong lawas. Ginapangabay ang tanan nga ulikdan ang pagkamaayong lawas labi na gid sa pagpangalaga sang isa ka pinakaimportante nga parte sang aton lawas, ang aton baga,” suno sa Facebook page ni Familiaran.
Ang bulan sang Agosto ang selebrasyon sang National Lung Month kag National TB Awareness Day para sa maayo nga pagtapna sang masakit nga tuberculosis o TB kag iban pa nga ga apektar sg bagà suno sa Department of Health.*
