BACOLOD CITY – Sa ginpatigayon nga press conference sa lobby ka Bacolod City Government Center kaupod si Mayor Albee Benitez, natalakay ang libre nga school supplies para sa mga estudyante nga yara sa pampubliko nga eskwelahan.
Sa libre nga school supplies nga igapanghatag, ginpahayag ni Mayor Benitez nga napirmahan na niya ang purchase request angut diri kag masarangan ini nga mahatag antis magbukas ang full face-to-face classes sa bulan sang Nobyembre.
Dugang pa sang alkalde nga P15 Million ang balor sang mga school supplies nga iya napirmahan kag ini ang dako gid nga bulig sa mga pigado nga estudyante sa ciudad nga handum nga makatapos sa pag eskwela.
Ang Ciudad ang magapanghatag sang School Materials kapareho na lamang sang Lapis, Ballpen, Notebook, Paper, Crayons, Ruler kag Bag sa mga estudyante.
Sa madumduman, ang Ordinansa sa nasambit nga libre nga school supplies ang ginpasar sadtu ni Atty. Caesar Distrito sang sya anay ang konsehal sang Bacolod sadtung 2016.
Ini ang nauntat lamang sang sumulod na si Covid-19 sa Bacolod, nalimita ang giho ka tawo kag na suspende ang face-to-face classes sa bilog nga Pilipinas.*
