Ginklaro sang anay Pinoy Big Brother ex-housemate nga si Lie Reposposa nga indi siya engaged sa iya British boyfriend nga si Paul Joshua Marsden.
Sa interview kay Lie sa Magandang Buhay, isa ka promise ring ang ginhatag sang iya nobyo kag indi ini engagement ring.
Suno kay Lie, ginpamangkot lang siya sang iya nobyo kun luyag niya nga mangin “future wife” kag nagsabat man ang artista sang “yes.”
Gilayon naman gin-delete ni Lie ang litrato bangud sala ang interpretasyon sang mga tawo.
Dugang pa ni Lie nga nakilala niya si Paul sa Instagram.
Iya ginpahayag nga nag-search lang siya sang pangalan nga “Paul” sa Instagram kag gilayon nakita ang profile picture ni Paul.
Pahayag pa ni Lie nga gin-follow ini niya kag naga-react sa mga stories kag posts.
Matapos sang duha ka bulan, nagkadto si Paul sa Pilipinas para ma-meet si Lie.
Madumduman nga nagpakigbahin si Lie sa PBB sadtong 2019.*
