Friday, March 1, 2024

Linaw sa China nagmala matapos gindagsa sang Monster Fish

- Advertisement -

Problema karun sang mga otoridad ang asud-asud nga “sightings” ukon pagkadakup sang mga monster fish ukon alligator gar sa pungsod China.

Kasunod sa pagkadakup sang mga monster fish nga kaangay ang nawong sa buwaya, nagmala ang mga linaw sa nasambit nga pungsod.

A monster fish or alligator gar. Photo from South China Morning Post.

Sa report, nagdangat sa walo ka mga probinsya sa China ang may yara sang monster fish invasion.

- Advertisement -

May yara sang matalom nga unto ang nasambit nga isda kag nagadangat ang kalabaon sini sa 3 metros. Ini ang naghalin sa North kag Central America kun diin 100 million ka tuig na ang nakaligad.

Sadtong nagligad nga semana, nadakup ang isa ka monster fish nga may kabug-aton nga 8 ka kilo kag may kalabaon nga 1 ka metro sa isa ka suba sa syudad sang Shanghai.

Sa syudad sang Ruzhou, probinsya sang Henan, ginhungod nga ginpamala ang linaw sa lugar agud madakup lamang ang makahalit nga isda.

Nagakabalaka ang China sa pagdamo sang populasyon sang monster fish bangud sa posible nga dala sini nga “ecological disaster” ukon pagkaubos sang suplay sang iban nga sahi sang isda sa pungsod.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,271FansLike
9FollowersFollow
0SubscribersSubscribe
- Advertisement -

Latest Articles