Ginpahayag ni Presidente Rodrigo Duterte sang gintalikdan nga Sabado nga mahimu magbalik ang lockdown sa pungsod pananglitan nga maglala ang sitwasyon tuga sang bag-o nga variant ukon sahi sang virus nga ginaalegar naghalin sa pungsod sang United Kingdom.
Ini matapos nga madiskubrehan sang mga eksperto nga may yara sang nagpositibo sa pungsod UK sa COVID-19 apang nahibaloan nga bag-o nga variant ang virus nga gintawag nga B117.
Dugang pa sang Presidente nga magapabilin ang mga measurement sa padayon nga pagpatapna sang virus sa pungsod kag kung hinali nga makabalhag sang malala nga kaso sang bag-o nga sahi sang virus ang Pilipinas mas pasangkadon pagid ang mga protocols batok diri.
“It might be something like a lockdown, if things get worse. It depends on the severity of the contamination and the number of people contaminated. We may . . . meet again and talk about the protocol to safeguard the nation,” hambal ni Duterte.
