Warning: graphic content
(Hungod nga wala ginhingadlan ang mga imbolbado kag lugar bangud sensitibo ini nga balita.)
SAN CARLOS CITY – Patay ang isa ka 78-anyos nga babayi matapos ginlabo sang makapila ka bes sang iya menor-de-edad nga apo sa isa ka sitio sa siudad sang San Carlos las onse sang aga sang Miyerkules, Pebrero 8.
Base sa report sang kapulisan, ginsaway sang tigulang ang 17-anyos sini nga apo nga lalaki matapos ginhanot ang iya hinuptanan nga ido gamit ang kawayan.
Ginkaakig ini sang apo kag hinali sini nga ginlabo ang iya lola sang makapila ka bes kun diin naigo ang biktima sa ulo nga gintunaan sang iya gilayon ga kamatayon.
Gilayon naman nga nagsungka ang suspek sa barangay hall.
Ang 17-anyos nga suspek amo ang bata sang hinablos sang biktima.
