Lucky Me Nga Himo Sa Pilipinas, Safe Kaonon

Gin anunsyo sang Food and Drug Administration (FDA Philippines) nga safe kaonon ang Lucky me noodles nga himo sa Pilipinas.

Suno sa ahensya, ang level sang ethylene oxide sa Pancit Canton Kalamansi, pasado sa standard para sa ethylene oxide, bisan pa sa European Union.

Matandaan nga nagpaandam ang food regulators sa Ireland, Malta kag France, batuk sa pila ka mga Lucky Me products nga may mataas sang ethylene oxide level, bangud sang halit nga madulot sini sa publiko.

Kasunod sini, nagpatigayon sang imbestigasyon ang FDA angut sa isyu kag nahibaluan nga safe ang Lucky Me products nga himo sa Pilipinas.