Ginrekomendar sang Department of Health (DOH) nga ipatuman sang gobyerno ang pinakamadasig nga pagproseso sang botohan sa maabot nga May 2022 national kag local elections agud malikawan ang posible nga paglaton sang COVID-19 sa mga polling precincts sa nagkalain-lain nga bahin sang pungsod.
Ginsiling ni Health Undersecretary Maria Rosario Vergeire nga kung madasig ang mangin botohan, malikawan ang pagtililipon sa sulod sang mga polling areas kag paglaton sang virus.
“‘Pag tingnan po natin, based on the characteristics ng virus, ang sinasabi magkakaroon ka ng close contact na definition kapag ikaw ay na-exposed sa isang tao ng 15 minutes or less,” suno kay Vergeire.
Dugang pa niya, importante ang kada minuto nga indi magtiner sa presinto ang mga botante.
“Kaya ang atin pong rekomendasyon pagka ganito, soonest time possible. Pinakamabilis na proseso dapat, hindi dapat nagko-congregate, dapat mabilis ang proseso, maayos so hindi magka-crowd ang mga tao kapag nangyari,” suno sa opisyal.
Sang Sabado, isa ka voting simulation ang ginhiwat sang Commission on Elections (Comelec) sa San Juan City bilang kabahin sang preparasyon sa nahauna nga national elections sa tion sang pandemya.
Tinutuyo sang amo nga aktibidad nga madeterminar ang average time frame sa verification process sang voter identity sa Election Day Computerized Voting List base nga may 800 ka registered voters kada clustered precinct.
