Monday, September 26, 2022

Mag-abyan gintayaan sa Hinobaan; mga biktima nagbalik agud mag-istorya, nagresulta sa pagpangluthang

- Advertisement -

Pilason ang duha ka solterito matapos ginluthang sang 33-anyos nga lalaki sa Purok 2, Brgy. Alim, sa banwa sang Hinobaan sang Lunes sang gab-i, Agosto 8.

18-year-old and 23-year old victims of a shooting incident in Hinobaan last Monday night, August 8.
18-year-old and 23-year old victims of a shooting incident in Hinobaan last Monday night, August 8.

Ginkilala ang mga biktima nga sanday John Paul Bautista, 18-anyos kag Jerreme Catadman, 23-anyos; lunsay mga residente sang nasambit nga lugar.

Base sa inisyal nga imbestigasyon sang kapulisan, mabakal kuntani sang ice sanday Jerreme kag Jomar Tagpuno bangud naga-inom ang mga ini kaupod ang ila mga abyan.

- Advertisement -

Samtang nagapakadto ang mga ini sa tiyangge, ginsita ang mga ini kag gintayaan sang pusil ni Marlon Quibod, alyas Pong Pong, 33-anyos nga residente man sang nasambit nga lugar.

Nagbalik ang mag-abyan sa ila nga lugar kag ginpakigbahin ang natabo sa ila mga kaupod sa inom.

Ginsiling sang kaupod nila nga si Bensyo Conquino Jr. nga istoryahon nila ang suspek bangud kilala niya ini.

Sang maatubang nila ang suspek, nagresulta ini sa pagbinaisay kun diin naggabot sang pusil ang suspek kag gintiro ang mga biktima.

Naglapos ang bala sa lawas ni John Paul antes maigo si Jerreme sa iya tiyan.

Gindala ang mga biktima sa Eleuterio Decena Memorial Hospital.

Narekober naman sa crime scene ang isa ka basiyo sang bala sang kalibre .45.

- Advertisement -

Related Articles

Leave a Reply

Stay Connected

0FansLike
- Advertisement -

Latest Articles