SAGAY CITY – Patay ang mag-asawa matapos ginluthang sa Crossing Vito sa syudad sang Sagay takna las-5:40 sini lamang nga hapon sang Sabado, Setyembre 17.
Ginkilala ang mga biktima nga sanday Hanna Grace Bucaling, 28-anyos kag Norbert Bucaling, 29-anyos, lunsay mga residente sang Sitio Cisco, Brgy. Rafaela Barera, sa nasambit nga syudad.
Samtang nakaluwas ang 4-anyos nga bata nga angkas sang mag-asawa.
Gilayon naman nga nadakpan sang kapulisan ang suspetsado nga si Niño Andrin, yara sa legal nga pang-edaron kag residente sang San Agustin sa Brgy. Paraiso.
Narekober sa crime scene ang apat ka basiyo sang kalibre .45 nga armas-luthang kag nagapadayon pa ang imbestigasyon sang kapulisan agud mahibaluan ang motibo sa pagpangluthang sang suspek sa mag-asawa.*
