CAMARINES SUR – Ginkasal ang isa ka store manager nga si Bernie Tuscano Jr. kag Angielyn Antones sa isa ka kapilya sa tunga sang bukid sa banwa sang Lagonoy sa probinsya sang Camarines Sur.
Suno sa mag-asawa, madako nga sakripisyo ang ila kasal bangud kinahanglan magtabok sa duha ka suba kag mag-agi sa malutak nga dalan agud maka-abot lamang sa kapilya.
Agud malikawan ang mabato kag malutak nga dalan, nagsakay ang duha sa karusa nga ginabutong sang karabaw pakadto sa kapilya nga nahamtang sa Sitio Pagsimbugan sa Barangay Mapid sa nasambit nga probinsya.
Wala naman natabo ang honeymoon sang mag-asawa bangud gilayon nagbalik sa trabaho si Bernie sa iya ginasudlan nga tindahan samtang nagareview naman si Angielyn para sa Licensure Examination for Teachers sini nga bulan.
