Imbes nga ipanugda sa Senior High ang mandatory Reserve Officers’ Training Corps (ROTC), ginarekomendar nga ibalik na lamang ini sa kolehiyo, suno kay Vice President Sara Duterte.
Ang bise presidente, nga amo man ang sekretarya sang Department of Education (DepEd), ang nakigsapol sa mga senador kag congressman kag ila inisyal nga ginarekomendar ang Mandatory ROTC para sa kolehiyo imbes nga sa Senior High.
“During our discussion, I think it was clear to everyone that it is better to return ROTC to higher education since it was already there before. The basic education will focus on other parts of the curriculum that will instill discipline and love of country for our learners,” suno kay Vice President Duterte.
Kung madumduman, nangin kabahin ang mandatory ROTC sa Senior High School sa pinakauna nga State of the Nation Address ni Presidente Ferdinand “BongBong” Marcos Jr.
