Mangunguma ginlabo-patay sang iya utod sa namatyan

BACOLOD CITY– Patay ang isa ka mangunguma matapos ginlabo sang iya nga utod samtang yara sa isa ka namatyan sa Barangay Bulao, Basey, Samar.

Ginkilala ang biktima nga si Erwin Padoc, 26-anyos.

Base sa imbestigasyon sang Eastern Visayas Philippine National Police (PNP), naga-inom sang makahulubog nga ilimnon ang duha sa namatyan sang nagluntad ang paglalisanay sa tunga sang duha sa diin, nagresulta ini sa paglabo sang suspek sa biktima gamit ang binangon.

Gilayon gindala sa ospital ang biktima apang ginbawi-an ini sang kabuhi bangud na-ubsan ini sang dugo.

Padayon sa karon nga ginapangita ang suspek sang mga otoridad matapos nagpalagyo.*