Friday, October 7, 2022

MANPOWER DRAIN, GINAKABALAKA SANG MGA PRIBADO NGA HOSPITAL

- Advertisement -

Nagpahayag sang pagkabalaka ang isa ka grupo sa posible shortage sa manpower sa mga pribado nga hospital.

Ini bangud sa sunod-sunod nga paghalin sa trabaho sang iban nga mga nurse kag staff nga lugar mag-trabaho abroad.

Sa nakaligad nga duwa tubtob tatlo ka semana, 5% sang mga nurse sa mga hospital ang nagsumiter sang resignation bangud sa luyag nga mag-trabaho sa iban nga pungsod.

- Advertisement -

“Kung hindi po natin medyo mapipigilan itong pag-alis na ito, baka po in another 6 months, baka po maubusan tayo ng mga nurses at mapipilay po talaga ang ating mga health facilities,” pahayag ni Private Hospital Association of the Philippines, Inc. president Dr. Jose Rene de Grano.

“Iyon po ang kinakatakot natin dahil ‘pag masyado po tayong lumuwag sa pagpapalabas ng ating mga healthcare workers at wala naman tayong maipalit kaagad sa kanila, baka tayo po ang maubusan ng healthcare workers. Magiging limitado tayo, limited ang ating pagtanggap ng pasyente,” dugang nga pahayag ni de Grano.

Gin-aku naman ni Dr. Maricar Limpin, President sang Philippine College of Physicians nga ang iban nga mga health workers ang nagpadulong sa iban nga pungsod bangud mas maayo ang ila nga sweldo.

Nagpanawagan naman si Limpin sa pamunuan sang mga hospital nga dapat atipanon kag halungan ang mga hospital staff bangud dako nga bagay sa giyapon ang ila experience sa pag-uyat sa mga pasyente nga may COVID-19 kumparar sa liwat-liwat nga pagkuha sang bag-o naman nga empleyado.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles