Tuesday, October 4, 2022

Manunudlo sa Zamboanga Del Norte Nagabyahe sang Isa ka Oras kag Nagasulong sa Baha Agud Maka-abot sa Eskwelahan

- Advertisement -

ZAMBOANGA DEL NORTE – Ginpakigbahin sang manunudlo nga si Werant Lynn Cabalida Ancheta ang litrato sang ila byahe pakadto sa Marupay National High School sa Pres. Manuel A. Roxas, Zamboanga del Norte sa ikaduha nga adlaw sang face-to-face classes.

Teachers of Marupay National High School in Pres. Manuel A. Roxas, Zamboanga del Norte took 1 hour
of travel and need to walk through the flood that was caused by the heavy rain just to arrive at the said school. Photo courtesy of Teacher Werant Lynn Cabalida Ancheta.

Suno kay Teacher Werant, nagadangat sa isa ka oras ang ila biyahe pakadto kag pagpauli halin sa eskwelahan.

- Advertisement -

Masami nga ginabaha ang ila gina-agyan nga dalan sa Brgy. Marupay kag Brgy. Denoman bangud madasig lamang maglapaw ang tubig sang suba kag sapa nga nahamtang malapit sa nasambit nga mga dalan kun naga-ulan.

Nagapanawagan si Teacher Werant kag ang iya mga kaupod nga manunudlo nga mahatagan sila kuntani sang hardship allowance bangud delikado ang ila gina-agyan nga dalan agud maka-abot lamang sa eskwelahan.

Nagalaum man si Teacher Werant nga makay-o na ang dalan sa ila nga lugar kag maipatukod na ang mga taytay sa suba sa nasambit nga mga barangay.

“Wala po kasing matibay na tulay kaming dadaanan. Hiling po sana namin magkaroon na ng maayos na daan at lagyan ng tulay ang ilog sa Brgy. Marupay at Denoman,” pabutyag ni Teacher Werant.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles