Ginsiling ni Presidential Adviser for Entrepreneurship Joey Concepcion nga bukas si President-elect Ferdinand Marcos Jr. sa suhistiyon nga ubrahon optional ang pagsuksuk sang face mask sa mga lugar nga indi na maayo peligruso ang COVID-19.
Sa Laging Handa public briefing, ginhambal ni Concepcion nga nakasapol sila ni Marcos kag na istoryahan nila ang isyu sang face mask.
Dugang pa ni Concepcion, bukas sa ideya si Marcos pero para sa iya dapat itugyan nalang ini sa mga local government units (LGUs) ang pagdesisyon sa pagsuksuk sang face mask.
Para kay Concepcion, dapat ganyaton ang pagsuksuk sang facemask sa gwa kag indi dapat ini pilitay.
“In my own judgment, face mask outdoor should be encouraged but not mandated,” siling ni Concepcion.
Gindugang man ni Concepcion nga tungod “mandated” sa administrasyon ni President Rodrigo Duterte ang pagsuksuk sang face mask sa gwa dapat nalang ini sundon kag irispeto.
“Well, since the Duterte Administration has mandated the wearing of face masks in outdoor, dapat sundin natin. At bigyan natin ng respeto na itong panukala nila na until this administration ends – and it’s going to end at the end of this month – let’s respect the rules,” hambal ni Concepcion.
