Sunday, January 29, 2023

MAS MAKALALATON NGA SOUTH AFRICAN ARIANT SANG COVID-19 VIRUS, NAREKORD NAMAN SA PILIPINAS!

- Advertisement -

May yara na sang kaso sang nasambit nga makalalaton nga B.1.351 (South African) variant sang SARS-CoV-2 virus sa Pilipinas.

RBSFM Bacolod

Ini ang ginkumpirmar sang Department of Health (DOH) matapos maguwa ang resulta sang ika-walo nga batch sang samples nga nagpaidalom sa whole genome sequencing.

Suno sa ahensya, anum ang narekord nga kaso sang South African variant, nga ginasiling may epekto sa efficacy sang mga bakuna.

- Advertisement -

“To date, there are already 48 countries with reported cases of the B.1.351 variant. While there is no evidence that this variant causes more severe disease, the pattern of mutations within this variant suggests higher transmissibility and may have an impact on vaccine efficacy,” nakabutang sa press release.

Halin sa anum nga una nga kaso, tatlo ang local cases.

Lunsay sila residente sang Pasay City, nga nakuhaan sang samples sadtong Enero 27 kag Pebrero 13.

Nag-ayo na ang 40 anyos nga lalaki apang “active cases” pa ang 61 anyos nga babaye kag 39 anyos nga lalaki.

Mga returning overseas Filipinos (ROF) naman halin sa United Arab Emirates kag Qatar ang duwa ka iban pa nga South African variant cases.

Samtang, ginahibalo pa sang DOH kung local case ukon ROF ang nabilin sa isa pa nga na-detect nga may bag-o nga variant.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles