Gin-anunsiyo sang National Commission on Indigenous Peoples nga masobra isa ka milyon nga indigenous people sa pungsod ang bakunado na batok sa coronavirus disease (COVID-19).
Ginbalita ni NCIP Medical Officer Dr. Angelica Cachola sa Laging Handa briefing nga nakarecord ang komisyon sang masobra 1,072,000 indigenous peoples nga nakabaton sang ila COVID-19 vaccine jabs.
Dugang pa ni Cachola, nabakunahan ang mga nagatinir sa indigenous communities sa pagbuligay sang nagkalain-lain nga ahensya.
Samtang, ginaselebrar sang pungsod ang Indigenous Peoples Month kada bulan sang Oktubre.