Masobra 800,000 Ka Doses Sang Pfizer Vaccine Nga Ginbakal Sang Gobyerno, Nag Abot sa Pilipinas

Sabado sang gab-i, nag abot na sa Ninoy Aquino International Airport ang 866,970 ka doses sang Pfizer vaccine nga ginbakal sang gobyerno.

Bangud sang bag-o nga deliveries,naglab-ot na sa 110,646,500 ka mga doses sang vaccines ang na deliver sa Pilipinas, base sa record sang National Task Force Against COVID 19.

Sang Nobyembre 4, nakabaton na sang isa ka dose sang COVID vaccine ang 37,355,164 ka mga indibidwal sa pungsod.

Base sa record sang gobyerno,28,718,856 na ka mga indibidwal ang “fully vaccinated” okon nakaangkon na sang kumpleto nga bakuna batuk sa coronavirus disease 19 sa bilog nga Pilipinas.*