

Nakarekober ang kapulisan sang 29 ka sachets sang ginasuspetsuhan shabu nga nagabalor P1,156,000 sa ginpatigayon nga buy-bust operation sa Purok Cereza 2, Barangay 27 sa syudad sang Bacolod, takna las 2:22 kaina sang hapon, Biyernes, Setyembre 16, 2022.
Nakapalagyo ang subject nga ginkilala kay Delvin Rubio, alyas “Nonoy Pabos,” samtang dakup naman si Ronnie Ray De La Cruz, 20-anyos, nga residente sang nasambit nga barangay.
Nakuha ang isa ka heat-sealed transparent plastic sachet sang suspected shabu bilang buy-bust item kag 28 ka iban pa nga sachets sang suspected shabu.
Nagabug-at sang 170 gramos ang ginasuspetsuhan shabu nga nakumpiskar.
Suno sa utoridad, nakaagi na buy-bust ang area kag may impormasyon sila nga nabaton nga sa dira gina-stock ang items.
Ang buy-bust ang isa ka operasyon sang Police Station 5 kag City Drug Enforcement Unit.*