Tuesday, October 4, 2022

Masobra P2 Billion nga ‘Shabu’ nga Gintago sa Habol kag Chichirya, Nakumpiskar

- Advertisement -

PANGASINAN | LA UNION – Masobra P2 billion nga balor sang ginasuspetsahan shabu nga gin tago sa habol kag chichirya ang nakumpiskar sang mga otoridad sa separado nga operasyon sa Pozorrubio, Pangasinan kag San Fernando, La Union.

A heat sealed transparent sachet of suspected meth. Photo from The Global Daily Mirror.

Gin-raid sang mga katapo sang Philippine Drug Enforcement Agency ang isa ka balay sa Pozorrubio matapos makakuha sang impormasyon halin sa ila nga undercover.

Nadakpan ang apat ka mga indibidwal sa nasambit nga balay kaupod ang isa ka Chinese national nga ginkilala kay alyas “James,” nga nagaserbe lider sang grupo.

- Advertisement -

Gin-raid man sang mga otoridad ang safe house sang grupo sa San Fernando kun diin nakumpiskar ang 40 kilos sang ginasuspetsahan shabu nga ginputos sa tea bag.

Nakuha sang PDEA ang P5 million nga marked money, isa ka satellite phone, digital walkie talkie kag isa ka pulling system.

Ini ang nagapanguna nga drug group nga nagahatag suplay sang droga sa Rehiyon III, IV kag Central Visayas.

Gingamit sang grupo ang mga habol kag chichirya agud iputos kag ma padala ang kinilo nga shabu sa safe house.

Nagdangat naman sa 40 kilos ang nakumpiskar sang PDEA nga nagabalor sa P2.72 billion.

Suno kay PDEA Director General Wilkins Villanueva, ang operasyon amo ang produkto sang masobra tatlo ka bulan sang surveillance kag casing operation.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles