Nakuha ang masobra P54,000 nga balor sang ginasuspetsuhan shabu sa isa ka lalaki nga ginakabig High Value Individual (HVI) sa ginpatigayon nga buy-bust operation sa Purok Kingfisher A, Brgy. 16, siudad sang Bacolod takna las las 10:58 sang gab-i, Lunes, Mayo 8, 2023.
Arestado ang suspek nga ginkilala kay Bryan Dequeña y Andrade, 22-anyos, kag residente sang nasambit nga lugar.
Narekober ang 9 tanan ka pakete sang ginasuspetsuhan shabu lakip na ang buy-bust item, isa ka land bank card holder kag P100 nga buy-bust money.
Ginabulubanta nagabug-at sang 8 gramos kag nagabalor sang P54,400 ang shabu nga nakuha.
Nagapadayon sa karon ang tactical interrogation agud mahibaluan kun sa diin nagakuha sang iligal nga druga ang suspek kag matumod man ang iban pa nga mga kaupdanan sini.
Ang madinalag-on nga operasyon sa pagpangdakop sa mga indibidwal nga imboldado sa iligal nga druga ang kadungan sa malapnagon nga kampanya ni PBGEN LEO M FRANCISCO, RD PRO6, CITY MAYOR ALBEE B BENITEZ kag PCOL NOEL C ALIÑO, ACD, BCP agud pabaskugon ang ‘war on drugs’ pinaagi sang intelligence driven anti- drug operations sa siudad sang Bacolod.*
