Friday, October 7, 2022

Masobra sa 20.6 Milyones ka mga Estudyante, Enrolled na sa School Year 2022-23

- Advertisement -
Photo courtesy of Wikipedia

Isa na lang ka semana, maga umpisa na ang klase sa mga public schools sa bilog nga Pilipinas.

Base sa record sang Department of Education (DEPED), masobra na sa 20.6 milyones ka mga estudyante ang nagpa enroll para sa school year 2022-2023.

Masobra sa 18.1 milyones diri ang nagpa enroll sa mga public schools samtang 2.4 milyones naman ang nagpa enroll sa private schools.

- Advertisement -

Kalakip sa mga lugar nga may pinakamadamu nga enrollees amo ang CALABARZON (Cavite, Batangas, Rizal,Quezon) nga may 2.9 milyones ka mga estudyante.

Ginsundan ini sang Central Luzon nga may 2.3 milyones ka mga estudyante.

2.2 milyones ka mga estudyante ang nagpa enroll sa Metro Manila.

1.5 milyones ang enrollees sa Central Visayas kag 1.5 milyones man ang mga nagpa enroll nga mga estudyante sa Western Visayas.

Suno sa DEPED, 90 porsyento sang masobra 47,000 ka mga public schools sa Pilipinas ang ginalauman nga magapatigayon sang face to face classes sini nga Agosto 22, Lunes.

- Advertisement -
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

- Advertisement -

Latest Articles